१४ अञ्चल ७५ जिल्ला झल्काउने गीत

मेची
ताप्लेजुङ, पाँचथर जिल्लामा
इलाम झर्यो झापाको किल्लामा
चिया सस्तो छ
पुगेर फर्कनु मेची कस्तो छ ?

कोसी
संखुवासभा, भोजपुर, तेह्रथुम
धनकुटामा विकास छ उधुम
मोरङ, सुनसरी
कोसीको तीरमा पुगौँ कसरी ?

सगरमाथा
सोलुुखुम्बु, खोटाङ, उदयपुर
ओखलढुङ्गा जाने छ अझै सुर
सगरमाथा गेट
सप्तरी काटेर सिरहामा भेट ।

जनकपुर
महोत्तरी, दोलखा, रामेछाप
जनकपुरमा सीताको ठूलो छाप
धनुषाको दाइ
सिन्धुली पुगेर झरौं सर्लाही ।

नारायणी
मकवानपुर, वारा र पर्सा
चितवनमा गैँडा छन् सर्वत्र
नारायणी पुल
रौताहट पुगेर परेँ रनभुल ।

वागमती
सिन्धुपाल्चोक, काठमाडौँ, भक्तपुर
नुवाकोट, काभ्रे र ललितपुर
वागमतीको तीर
रसुवा, धादिङ जान लाग्छ पिर ।

गण्डकी
लमजुङ आउनु मनाङे नानी
गोरखा तनहुँ जाने कि नजाने
अञ्चल गण्डकी
कास्की र स्याङजामा बित्यो जिन्दगी ।
लुम्बिनी
गुल्मी, नवलपरासी, पाल्पा छेऊ
अर्धाखाँची, रुपन्देही जान देऊ
कपिलवस्तु गाउँ
लुम्बिनी अञ्चल बुद्ध खेल्ने ठाउँ ।

धवलागिरी
धवलागिरी हिउँ पर्यो सेतै
म्याग्दी जानु कि जानु पर्वतै
वाग्लुङ कस्तो छ ?
मुस्ताङको रातो स्याउ साह्रै सस्तो छ ।

रापती
रुकुम, रोल्पा अञ्चल रापती
प्युठान जान पर्ने भो आपत्ति
सल्यानको वन
दाङ पुग्ने कसरी रुन्छ मेरो मन ।

कर्णाली
हुम्ला, जुम्ला, मुगुमा रारा ताल
कालीकोटे नानीको के छ हाल ?
डोल्पा यस्तै छ
कर्णाली अञ्चलमा हिउँ सेतै छ ।

भेरी
जाजरकोट भेरीको छेउछाउ
दैलेखबाट सुर्खेत जाने दाउ
बर्दियाको फाँट
के कामले होला नि बाँके जाने आँट ।

सेती
अछाम डोटी, बझाङ, बाजुरा
कैलालीमा झरौँ न हजुर
सेती अञ्चल
पाँच जिल्ला घुमेर मन भो चञ्चल ।

महाकाली
बैतडी र त्यै डँडेलधुरामा
होला भेट कञ्चनपुरमा
छुट्ला दार्चुला
महाकाली अञ्चल पुगी फर्कौंला ।

About krishna Dhungana

This is a short description in the author block about the author. You edit it by entering text in the "Biographical Info" field in the user admin panel.

Latest Notice

हाम्रो कलमबाट ...............

शिक्षालाई समुदायमा रहेका हरेक बालबालिकाहरुको मौलिक अधिकारका रुपमा पूर्णतः स्थापित गर्दै विद्यालय शिक्षा सर्वसुलभ तथा समयसापेक्ष एवं सर्वग्राह्य बनाउन हामी जिम्मेवार छौँ । शैक्षिक विकासको मार्गमा जन अपेक्षा पूरा गर्न स्थानीय तहदेखि नै प्रयासहरु हुनु जरुरी छ । यस उद्देश्यमा सबै सरोकारवालाहरुबाट सकारात्मक साथ र सहभागितामार्फत् अपनत्वको भावना विकास गरी क्रियाशील हुनु अपरिहार्य छ । विद्यालयका विगत र वर्तमानका गतिविधिहरुलाई यो विद्युतीय पर्दा मार्फत् सार्वजनिक गरिएको छ । विद्यालयको शैक्षिक विकासका लागि अथक साधना गर्ने विद्यालय व्यवस्थापन समिति, शिक्षक अभिभभावक संघ, शिक्षक, विद्यार्थी, अभिभावक, विभिन्न संघसंस्था, शिक्षाप्रेमी, बुद्धिजीवी, राजनीतिक दल, विदेशी दाता एवं विद्यालयका विभिन्न सहयोग समितिहरुको योगदान अतुलनीय एवं प्रशंसनीय छ । समुदायको शैक्षिक उत्कण्ठा परिपूर्ति गर्दै बालबालिकाको शैक्षिक उन्नयनका लागि विद्यालयले तय गरेको मार्गचित्रमा साथ दिई अनन्य योगदान पु¥याउनु हुने शुभेच्छुकहरुप्रति उच्च आदरभाव अर्पण गर्दछौँ । व्यक्तिगत स्वार्थलाई तिलाञ्जली दिएर अथक साधनाद्वारा विभिन्न चुनौतिहरुको सामना गर्दै विद्यालय यो अवस्थासम्म आइपुग्दा सरोकारवालाहरु सबैका लागि गौरव गर्ने विषय बनेको छ । विद्यालयको भौतिक, आर्थिक, सामाजिक, व्यवस्थापकीय तथा शैक्षिक विकासका लागि गर्दै आइएका प्रयासहरुमा देखिएका अपूर्णतालाई पूर्ण गर्दै अगाडि बढ्ने हामी सबैको सामुहिक अभीष्ट हो । शैक्षिक गुणस्तर वृद्धि गर्ने हामी सबैको अभिलाषा हो । यसका लागि विद्यालयले तयार गरेको कार्ययोजनालाई क्रमबद्ध रुपमा कार्यान्वयन गर्नतर्फ लाग्नु हामी सबैको मूल कर्तव्य हुन आउँछ । गुणस्तरीय शिक्षाका माध्यमबाट विद्यार्थी, अभिभावक र समुदायको अपेक्षालाई साकार पार्ने कार्यमा विद्यालयको जुझारु समूह प्रतिबद्ध भएर आफ्नो कर्मपथमा जुटिरहेको छ । विद्यालयलाई सर्वसुलभ रुपमा समयसापेक्ष विषयहरु समावेश गरी सबैको पहुँचमा बालमैत्री शिक्षण सिकाइ र व्यवस्थापनमा थप सुधार गर्दै आगामी दिनमा उच्च माध्यमिक तहसम्म सञ्चालन गर्नु पर्ने आवश्यकता सबैबाट महसुस भइसकेकाले त्यसलाई तत्काल कार्यान्वयनतर्फ लैजान विद्यालय सबै पक्षसँग सहकार्यका लागि अनुरोध गर्दछ । अन्त्यमा, यो विद्यालयलाई अहिलेको अवस्थासम्म ल्याउन सहयोग पु¥याउनु हुने विद्यालयमा कार्यरत शिक्षकशिक्षिका, विद्यालय व्यवस्थापन समिति, शिक्षक अभिभावक संघ, अभिभावक तथा विद्यार्थी, बालक्लब, बुद्धिजीवी, शिक्षानुरागी, विभिन्न संघसंस्था, विज्ञापन दाता एवं शुभेच्छुकहरुप्रति धन्यवाद ज्ञापन गर्दै आगामी दिनहरुमा निरन्तर साथ र रचनात्मक सहयोगको अपेक्षा गर्दछौँ । प्रधानाध्यापक